Нууцлалын бодлого

Сүүлд шинэчилсэн: 2026-10-22

AI Туслах (tuslah.com веб ба «AI ТУСЛАХ» гар утасны апп) нь УИХ-ын гишүүд, тэдний ажлын албаны ажилтнуудад зориулсан хувийн туслах үйлчилгээ. Энэ баримт бид ямар өгөгдөл цуглуулдаг, хэрхэн ашигладаг, хэнд дамжуулдаг, хэр удаан хадгалдаг, та ямар эрхтэйг тайлбарлана.

1. Ямар өгөгдөл цуглуулдаг вэ

• Бүртгэлийн мэдээлэл: нэр, утасны дугаар, харьяа хороо, багц, үүрэг (гишүүн, эсвэл ажлын албаны ажилтан: туслах, зөвлөх, төлөөлөгч, гадны зөвлөх).
• Таны оруулсан агуулга: чатын мессеж, албан бичгийн төсөл, хурлын аудио бичлэг ба түүний транскрипт, хавсаргасан файл, имэйл холбосон бол имэйлийн агуулга.
• Хуваарь ба даалгавар: та өөрөө оруулсан эсвэл системийн таталтаар үүссэн хурал, уулзалт, даалгавар.
• Техникийн мэдээлэл: нэвтрэлтийн огноо, IP хаяг, төхөөрөмжийн давтагдашгүй дугаар (хурдны хязгаарлалт ба аюулгүй байдалд), аппын хувилбар.

2. Юунд ашигладаг вэ

• Таны асуултад хариулах, бичиг боловсруулах, хурлын товчлол гаргах.
• Өнөөдрийн хуваарь, батлах хүсэлтийг харуулах.
• Үйлчилгээг аюулгүй байлгах: нэвтрэлтийн оролдлого хязгаарлах, алдаа оношлох.

Бид таны өгөгдлийг зар сурталчилгаанд ашигладаггүй, гуравдагч этгээдэд зардаггүй.

Ажлын албаны дотор хэн харах вэ

• Гишүүний AI чатыг гишүүн өөрөө болон эрх бүхий зөвлөх унших эрхтэй. Бусад ажилтан гишүүний зөвшөөрөлгүйгээр харахгүй.
• Ажилтны AI чатыг гишүүн болон “Ажилтнуудын AI чатыг унших” эрхтэй ажилтан уншина. Ажилтан чатын хуудсандаа энэ тухай сануулгыг байнга харна.
• Ажилтан бүрийн эрхийг гишүүн өөрөө олгож, хааж болно.

3. Хаана хадгалдаг вэ

Өгөгдөл Neon (PostgreSQL, АНУ-ын us-east-1 бүс) мэдээллийн сан ба Vercel-ийн файлын санд шифрлэгдсэн холболтоор хадгалагдана. Гар утасны апп өгөгдлийг зөвхөн HTTPS-ээр манай сервертэй солилцоно; нэвтрэлтийн токеныг төхөөрөмжийн хамгаалагдсан санд хадгална.

4. Хэнд дамжуулдаг вэ

Үйлчилгээг ажиллуулахад зайлшгүй шаардлагатай дараах боловсруулагчдад дамжуулна:

• Anthropic (хиймэл оюуны хариулт үүсгэх): таны чатын мессеж, бичгийн агуулга.
• ElevenLabs (аудио транскрипци): хурлын аудио бичлэг.
• OpenAI (дуут командыг бичвэр болгох, хайлтын embedding): дуут командын аудио, хайлтын асуулга.
• n8n Cloud (чатын ажлын урсгал): вэб чатаар илгээсэн таны мессеж энэ үйлчилгээгээр дамжин боловсруулагдана.
• Vercel ба Neon (хостинг, мэдээллийн сан).

Хуулиар шаардсанаас бусад тохиолдолд өөр хэнд ч дамжуулахгүй.

5. Хэр удаан хадгалдаг вэ

• Бүртгэл ба агуулга: таны бүртгэл идэвхтэй байх хугацаанд, эсвэл та устгуулах хүсэлт гаргах хүртэл.
• Нэвтрэлтийн session: 30 хоног.
• Техникийн лог: 90 хоног.

6. Таны эрх

Та өөрийн өгөгдлийг харах, засуулах, устгуулах эрхтэй. Устгуулах хүсэлт болон бусад асуултаа admin@ateamgpt.com хаягаар илгээнэ үү. Бид 14 хоногийн дотор хариу өгнө.

7. Гар утасны аппын зөвшөөрлүүд

• Микрофон: зөвхөн та дуут команд өгөх товч дарах үед, чатад асуулт бичихэд ашиглана.
• Апп мэдэгдэл илгээдэггүй, байршил авдаггүй, хаягийн дэвтэрт хандадаггүй.

8. Өөрчлөлт

Энэ бодлого өөрчлөгдвөл энэ хуудсан дээр шинэчилж, дээрх огноог солино. Томоохон өөрчлөлтийг аппын Цэс ба веб дээр мэдэгдэнэ.